Ourense, Atenas de Galicia

Xosé Manuel del Caño foi abrindo portas e fiestras do coñecemento da cultura. Este libro está integrado por unha longa serie de entrevistas que poden achegar moita información interesante para o coñecemento das Letras e da cultura do país. Eu creo que este libro é necesario no sentido de iluminar parcelas que outros autores e mesmo críticos non foron quen de atender abondo. Marcos Valcárcel

En diversos anos centrais do século XX converxeron na cidade de Ourense numerosos talentos dedicados a Galicia: Antón Losada Diéguez, Vicente Risco, Florentino López Cuevillas, Ramón Otero Pedrayo, Eduardo Blanco Amor…, varios dos cales constitúen o grupo principal do chamado Grupo Nós. Esta converxencia foi a que acreditou o nome de “Atenas de Galicia” para Ourense. Claudio Rodríguez Fer.