Mario Luzi

Mario Luzi (Sesto Fiorentino, 20 de outubro de 1914 – Florencia, 28 de febreiro de 2005) foi un poeta italiano, un dos máis prestixiosos do século XX. Foi o derradeiro gran representante do Hermetismo. Na súa obra que une poesía e pensamento, continuamente aparecen interrogacións e elipse, que reflicten as incertezas do escritor ante a realidade e as súas metamorfoses. Cando cumpriu noventa anos foi nomeado senador vitalicio polo presidente da República, Carlo Azeglio Ciampi.